அருள்மிகு கண்டன் சாஸ்தா திருக்கோவில் (ஆஸ்ராமம்)

மூலஸ்தானத்தில் மூலவராக ஸ்ரீ கண்டன் சாஸ்தா அமர்ந்த கோலத்தில் தரிசனம் தருகிறார். மிகப் பெரிய திருமேனியும் கொள்ளை அழகும் கொண்ட மணிகண்டனின் வித்தியாசமான தோற்றம் மீண்டும் மீண்டும் தரிசிக்க ஆவலைத் தூண்டுகிறது. ஒரு காலை மடக்கி அதன் மீது கையை வைத்துள்ளார். மற்றொரு கையில் கதாயுதம் காணப்படுகிறது. மிகுந்த வரப்பிரசாதி. தலைமுடி சுருள் கேசமாக தோள்பட்டை வரை தொங்குகிறது. உச்சியில் கொண்டை போட்டுள்ளார். கண்களில் மை தீட்டியுள்ளார். கழுத்திலும் கைகளிலும் பதக்கங்கள் அணிந்து, பூணூல் போட்டுக் கொண்டு அழகே உருவாகக் காட்சி தருகிறார்.