தேனாற்றில் மிதந்து வந்த சிலையை, மோர் விற்கும் பெண் ஒருத்தி பார்த்துவிட்டு ஊர் மக்களுக்குத் தெரியப்படுத்தினாள். ஊர் மக்கள் அதை எடுத்து பிரதிஷ்டை செய்து கோவில் எழுப்பினார்கள் என்று கூறப்படுகிறது.
கோவிலைச் சுற்றி ஊர் உருவானதால், இவ்வூருக்கு தேனாட்சி அம்மன் கோவில் என்றே பெயர் பெற்றது.
வடக்கு நோக்கியுள்ள கோவில். திண்ணைகளுடன் கூடிய முகப்பு மண்டபம், அடுத்து திருநாள் மண்டபம் என்னும் சிற்ப மண்டபம் அனைத்தும் சிறந்த வேலைப்பாடுகளைக் கொண்டவை. வெஞ்சன அறையின் முகப்பில் கிழக்கு பார்த்து அமர்ந்து ஆசி வழங்குகிறார் ஸ்ரீ சித்தி விநாயகர்.
நுழைவாயில் எதிரே மூலஸ்தானம். மஹிஷாசூரமர்த்தினி கோலத்தில் எழுந்தருளி அருள் புரிகின்றாள் ஸ்ரீ தேனாட்சி அம்மன்.
திருச்சுற்றில் பைரவர், சனீஸ்வரர், விநாயகர், முருகப் பெருமான், விசாலாட்சி சமேத விஸ்வநாதர் ஆகிய மூர்த்தங்களையும், தேனாட்சி அம்மன், பெரிய நாச்சி அம்மன் ஆகியோரின் உற்சவ மூர்த்தங்களையும், அஷ்டதிக் பாலகர்களின் பீடங்களையும் தரிசிக்கலாம்.
அரிய சுதை வேலைப்பாடுகளுடன் கூடிய இரண்டு குதிரைகளுடன் அமைந்த கருப்பர் கோவிலையும் காணலாம்.
05.30 AM
07.00 PM
Temple Festival announced early! Join us for the divine celebrations and blessings.
Reserve your sacred rituals in advance for a blessed experience.
