நிகமாந்த மகா தேசிகன் ஆராதித்த பெருமாள். அழகுக்கே அழகு சேர்க்கும் வண்ணம் தோற்றம் கொண்டவர் என்பதால் பெருமாளுக்கு அழகு சுந்தரராஜன் என்ற திருநாமம். இவ்வூர் மக்கள் அனைவரும் ஒன்று சேர்ந்து அவரவர் வீடுகளிலிருந்து வெள்ளியை கொண்டு வந்து உருக்கி உற்சவ மூர்த்தியை உருவாக்கியதாக பட்டாச்சார்யார் தெரிவிக்கின்றார்.

மூலஸ்தானத்தில் ஸ்ரீ அழகு சுந்தரராஜப் பெருமாள் கிழக்கே திருமுக மண்டலம் கொண்டு நின்ற திருக்கோலத்தில் சேவை சாதிக்கின்றார். ஸ்ரீ தேவி - பூதேவி தேவியர்களுடன் எழுந்தருளியுள்ளார். ஆனந்தவல்லித் தாயார் தனி சந்நிதி கொண்டுள்ளார். உற்சவ மூர்த்தி அழகாக இருக்கின்றார். தேசிகரும், உடையவரும் கருங்கல் திருவுருவங்களாக எழுந்தருளியுள்ளனர்.