மூலவர்: சந்திரமௌலீஸ்வரர், அம்பாள்: ஆனந்தவல்லி மூலஸ்தானத்தில் சிவலிங்க வடிவினராக எழுந்தருளி அருள் புரிகின்றார் சந்திரமௌலீஸ்வரர். ஒளி வீசும் அழகிய திருமேனி. சதுர் புஜங்களுடன் கூடிய அழகிய திருமேனியுடன் தரிசனம் தருகின்றாள் அம்பிகை. அர்த்த மண்டபத்தின் இரு புறமும் பிள்ளையாரும் முருகனும் எழுந்தருளியுள்ளனர். வள்ளி-தெய்வயானை உடனாய முருகப் பெருமான், விசாலாட்சி உடனுறை விஸ்வநாதர், மீனாட்சி தேவி உடனாய சுந்தரேஸ்வரர் ஆகிய மூர்த்தங்களை பிரகார வலச் சுற்றில் தரிசிக்கலாம். சந்திர தோஷமுள்ளவர்கள் இங்குள்ள மூலவரை வழிபட தோஷங்கள் நீங்கும் என ஐதீகம். காஞ்சி மஹா பெரியவா இக் கோவிலைக் கட்டி தெய்வீக திருவுருவங்களை பிரதிஷ்டை செய்ததாக கூறப்படுகிறது.