மூலஸ்தானத்தில் ஸ்ரீ பட்டாபிஷேக ராமர்; வீராசனத்தில் கம்பீரமாக அமர்ந்த கோலம். ஒரு கரம் ஞான முத்திரையுடன் காணப்படுகின்றது. அருகே சீதா தேவி, அடுத்து நின்ற கோலத்தில் லக்ஷ்மணன், சர்க்கீழே பரதனும் எதிரே சத்ருக்கணனும் காட்சி தருகின்றனர். திருவடிகளருகே, வலது புறமாக ஹனுமன் அஞ்சலி முத்திரையுடன் நின்ற திருக்கோலத்தில் சேவை சாதிக்கின்றார். இடது புற சந்நிதியில் ஸ்ரீ வரதராஜர்; மூலவராகவும் உத்ஸவராகவும் எழுந்தருளி சேவை சாதிக்கின்றார். கரத்தில் பிரயோக சக்கரம் வைத்துள்ளார். ஸ்ரீ தேவி - பு தேவி தேவியர்கள் உடன் உள்ளனர். தாயார் பெருந்தேவி தனி சந்நிதி கொண்டுள்ளார். சனீஸ்வரனை காலடியில் கிடத்தியபடி வீர ஆஞ்சநேயர்; எழுந்தருளி சேவை சாதிக்கின்றார். கோதண்டராமர்; கையில் வில்-அம்பு கொண்டு காட்சி தருகின்றார்.