பாலாற்றங்கரைக்கு முன்னதாக அமைந்துள்ள இவ்வாலயம் மூன்று பக்கங்களில் மலைகளும், ஒரு பக்கம் ஆறும் கொண்டுள்ளது. சித்தர்களும் யோகிகளும் இத்தலத்தில் தங்கியிருந்து குமரனை வழிபட்டுள்ளனர். பக்தர்கள் இளைப்பாறவும் தியானம் செய்யவும், தியான மண்டபம் அமைத்துள்ளனர். இங்குள்ள ஆஸ்ரமம் சென்று ஸ்வாமிகளின் ஆசியை பெறுகின்றனர்.

மூலஸ்தானத்தில் மூலவராக எழுந்தருளியுள்ள குமரனின் அழகு திருவுருவமும், சாந்நித்யமும் வழிபடுவோரது கண்களையும் மனதையும் விட்டகலாது. மேல் தளத்தில் சித்தர்கள் சித்தியடைந்த இடம் ஒன்றும் உள்ளது.