360 படிக்கட்டுகள் கொண்ட மலைக் கோவில் - 14ஆம் நூற்றாண்டிற்கு முன்னரே கட்டப்பட்டது எனக் கூறுகின்றனர். சமணத் துறவிகள் தங்கியிருந்ததற்கான அடையாளமாக கல் படுக்கைகளும், பிராமி கல்வெட்டுகளும் காணப்படுகின்றன.

மூலஸ்தானத்தில் மூலவராக சுப்ரமணியர் எழுந்தருளி அருள் புரிகின்றார். மிகவும் அழகான திருவுருவம். மலை மீது தனித்து நிற்கும் முருகன். சங்கு - சக்கரம் ஏந்தியுள்ள விஷ்ணு துர்க்கையின் திருவுருவம் பேரெழில் கொண்டுள்ளது. 12 வாரங்களுக்கு எலுமிச்சை தீபம் ஏற்றி பிரார்த்திக்கின்றனர். தட்சிணாமூர்த்தி, நவக்கிரகங்கள், சண்டிகேஸ்வரர் ஆகியோர் தனித்தனி சந்நிதி கொண்டுள்ளனர்.