மூலஸ்தானத்தில் எழுந்தருளியுள்ள ஸ்ரீ ராதாகிருஷ்ணரின் அழகை வர்ணிக்க இயலாது. கரங்களில் புல்லாங்குழல் ஏந்தி, ஒரு காலை மடித்து ஒய்யாரமாக நின்ற திருக் கோலம். ஸ்ரீ ராதை உடன் எழுந்தருளி உள்ளார். மூல மூர்த்திகளைப் போலவே உத்ஸவ மூர்த்திகளும் பேரெழிலுடன் காணப்படுகின்றனர். ஜெய, விஜயர் காவலுக்கு நிற்கின்றனர். எதிரே பெரிய திருவடி கூப்பிய கரங்களுடன் எழுந்தருளியுள்ளார். நின்ற திருக் கோலத்தில் கூப்பிய கரங்களுடன் காணப்படும் சிறிய திருவடியின் திருவுருவம் அழகாக இருக்கிறது. கிருஷ்ணருக்கு பிடித்த அவல், வெண்ணை, சீடை நைவைத்யம் செய்கின்றனர்ர. ராதா-கிருஷ்ண திருமண வைபவம் மார்கழி மாசத்தில் சிறப்பாக கொண்டாடுகின்றனர்.. காசிவிஸ்வநாதரும் காசி விசாலாட்சியும் தனி சந்நிதி கொண்டு எழுந்தருளி அருள் பாலிக்கின்றனர். கோஷ்டத்தில் ப்ரம்மாவும் இருப்பதால் மும்மூர்த்திகளின் தரிசனம் கிடைக்கிறது.