மூலஸ்தானத்தில் ஸ்ரீ ராஜகோபால ஸ்வாமி கிழக்கே திருமுக மண்டலம் கொண்டு நின்ற திருக்கோலத்தில் சேவை சாதிக்கின்றார். பாமா-ருக்மணி தேவியர்கள் உடன் உள்ளனர். உற்சவ மூர்த்தங்களான பாமா - ருக்மணி சஹித ராஜகோபாலர் விக்ரஹங்கள் பேரெழிலுடன் காணப்படுகின்றன. ஸ்ரீ கிருஷ்ண பரமாத்மாவின் துவாரகை கோலம் இங்கு காணப்படுவதால் தென் துவாரகை என்பர். நேர் எதிரே கருடாழ்வார் சந்நிதி கொண்டுள்ளார். ஸ்ரீ விஷ்வக்சேனர், தேசிகர், நம்மாழ்வார் ஆகியோரை சேவிக்கலாம். ஸ்ரீ ஆஞ்சநேயஸ்வாமி கம்பீரமாக எழுந்தருளியுள்ளார். சித்திரைத் திருவிழா, ஏகாதசியன்று கருட வாகனத்தில் ஸ்வாமி புறப்பாடு ஆகியன சிறப்பாக நடக்கின்றன. பழமையான நாகர் சிலைகளையும், மூவிதழ் கொண்ட வில்வ விருட்சமும் கொண்டுள்ள இவ்வாலயம் 1200 வருடங்கள் பழமையானது என்கின்றனர்.