மூலஸ்தானத்தில் அழகு திருவுருவமாக எழுந்தருளி சேவை சாதிக்கின்றார் கோவிந்தன். திருப்பதி பெருமாளாகவே பாவித்து வழிபடுகின்றனர். சந்தான கோபாலகிருஷ்ணன் சந்நிதியும் இருக்கின்றது. திருப்பதியிலிருந்து பிடி மண் எடுத்துக் கொண்டு வந்து உருவாக்கிய கோவில். சேதுக்கரையிலேயே வெங்கடாஜலபதியை சேவித்து மகிழலாம் - பாத யாத்திரை செல்ல வேண்டாம் என பெரியவர் ஒருவரின் கனவில் தோன்றி கூறியதால் கோவிந்தன் கோவில் உருவானதாக கூறப்படுகின்றது. ஒரு காலத்தில் மருங்கூர் பட்டினம் எனும் துறைமுகமாக இருந்ததாம். புதைபொருள் ஆராய்ச்சி இலாகா வரலாற்று சின்னங்கள் பலவற்றை கண்டெடுத்த இடம் என்கின்றனர்.