650 ஆண்டுகளுக்கு முன்னர் காஞ்சியை ஆண்ட மல்லிநாத சம்புவராயன் கட்டிய கோவில்.

மூலஸ்தானத்தில் எழுந்தருளியுள்ள மார்க்கண்டேஸ்வரர் சிவலிங்க ஸ்வரூபம். பத்மபீட ஆவுடையாருடன் தரிசனம் தருகின்றார். அம்பாள் சந்தான கௌரி மிகுந்த வரப்பிரசாதி. இவளுக்கு மரகதவல்லி என்ற பெயரும் உண்டு. கோஷ்ட மூர்த்தங்களாக - நர்த்தன கணபதி, வீணாதார தட்சிணாமூர்த்தி, விஷ்ணு, பிரம்மா, துர்க்கை ஆகிய மூர்த்தங்களை தரிசிக்கலாம். விநாயகர், வள்ளி - தெய்வயானை உடனாய முருகப் பெருமான், பைரவர், ஹனுமன் சந்நிதிகளும் இருக்கின்றன. விசேஷ மூர்த்தமாக மஹாலட்சுமி எழுந்தருளியுள்ளார். ஏழரை அடி உயரம் கொண்ட அழகிய திருமேனி.