சும்பன்-நிசும்பன் எனும் அசுரர்களுடன் பரமேஸ்வரி போரிட்டுக் கொண்டிருந்தபோது, உடன் இருந்த காளி தேவி சண்டன்-முண்டன் ஆகிய அசுரர்களை சம்ஹாரம் செய்தாள். இவளே சாமுண்டி எனப்படுகிறாள்.

மூலஸ்தானத்தில் மூலவராக சர்வ மங்கள சாமுண்டீஸ்வரி அன்னை நின்ற திருக்கோலத்தில் எழுந்தருளி தரிசனம் தருகிறாள். கங்கையும், யமுனையும் துவாரபாலிகைகளாக இருக்கின்றன. பாலாம்பிகா சமேத பாலேஸ்வரர், வள்ளி-தெய்வயானை தேவியர்கள் உடனாய முருகன், தாயாருடன் ப்ரஸன்ன வெங்கடேசப் பெருமாள், ஆண்டாள், கோதண்டராமர் ஆகிய மூர்த்தங்களையும் தரிசிக்கலாம்.