பிரதான கருவறையில் மூலவராக எழுந்தருளியுள்ள சிவசுப்ரமண்ய ஸ்வாமி மிகுந்த வரப்பிரசாதி. வள்ளி - தெய்வயானை தேவியர்கள் உடன் உள்ளனர். வெள்ளி மயிலுடன் தனியாக சந்நிதி கொண்டுள்ள உற்சவ மூர்த்தியை மீண்டும் மீண்டும் தரிசிக்கத் தூண்டும்படியான அழகுடன் காட்சி தருகிறார். வலச்சுற்றில் ஸ்தல விநாயகரான செங்குந்த விநாயகரை தரிசிக்கலாம். லக்ஷ்மி-சரஸ்வதி-துர்க்கை, வள்ளி-தெய்வயானை உடனாய ஷண்முகர், சிவகாமி சமேத நடராஜர், சிவதுர்க்கை, சமயபுரம் மாரியம்மன், விசாலாட்சி சகித விஸ்வநாதர், வீரபத்ரர், ஆஞ்சநேயர், ராகு, சனீஸ்வரர், பைரவர், சண்டீஸ்வரர், அங்காரகன், சூரியன், கடம்பன்-இடும்பன் ஆகிய மூர்த்தங்களை தரிசிக்கலாம். வீரபாகு - வீர கேசரி - வீர சிம்மம் - வீரதீரன் - வீர மார்த்தாண்டன் - வீராந்தகன் - வீராடக்ஷன் - வீர புரந்தகன் - வீர பரமேஸ்வரன் ஆகிய நவ வீரர்களை தரிசிக்கலாம். பாம்பன் ஸ்வாமிகள், ராமலிங்க ஸ்வாமிகள், சிதம்பர ஸ்வாமிகள் ஆகியோரின் திருவுருவங்களைக் காணலாம். செவ்வேள் கோட்டம் என்ற சிறப்பு பெயரைக் கொண்டது.