மூலஸ்தானத்தில் சிவபெருமானின் உக்ர குமாரரான வீரபத்ரர் கம்பீரமாக எழுந்தருளியுள்ளார். இவருக்கு வீரேஸ்வரன் என்றும் பெயர். வீரத்தை ஐஸ்வர்யமாக உடையவன் என்று பொருள். வீரத்திற்கும், ஞானத்திற்கும் தொடர்புடைய - ப்ராம்மி, மகேஸ்வரி, இந்திராணி, வைஷ்ணவி, வாராஹி, கௌமாரி, சாமுண்டி ஆகிய சப்தமாதாக்களையும், வராஹ புராண கூற்றுப்படி, வித்தியாசமான சிற்பங்களாக வடித்துள்ளனர்.