அகஸ்தியருக்கு திருமணக் கோலத்தில் காட்சி தந்த ஸ்தலம். திருஞானசம்பந்தர் தனது தொண்டர்களுடன் இங்கு வந்தபோது அனைவருக்கும் உணவளித்து பசியாற்றினார் இறைவன் என ஸ்தல வரலாறு கூறுகிறது. தேவாரத் திருத்தலம்.

மூலவர்: உச்சிநாதேஸ்வரர், அம்பாள்: கனகாம்பிகை. மூலஸ்தானத்தில் சிவலிங்க வடிவினராக எழுந்தருளி அருள் புரிகின்றார் உச்சிநாதேஸ்வரர். சுயம்புமூர்த்தம். கிழக்கு பார்த்த சந்நிதி. லிங்க மூர்த்திக்கு பின்னால் பார்வதி-பரமேஸ்வரர் திருவுருவங்கள் இருக்கின்றன. தெற்கு பார்த்த சந்நதியில் அம்பாள் கனகாம்பிகை எழுந்தருளியுள்ளார். கோஷ்ட மூர்த்தங்களும், வலச்சுற்றின் பரிவார தேவதைகளும் மிகவும் அழகாக இருக்கின்றன. குறிப்பாக, அஷ்டபுஜ துர்க்கையின் திருவுருவம் தரிசிக்க ஆனந்தம் கிடைக்கின்றது.